Fýtboldan Qazaqstan quramasy Astanadaǵy týrnırge daıyndyǵyn bastady
ASTANA. KAZINFORM — Fýtboldan Qazaqstan ulttyq quramasynyń oıynshylary FIFA Series-2026 týrnırine qatysý úshin elordadaǵa jınaldy. Bul jóninde Qazaqstan fýtbol federatsııasy málim etti.
Otandastarymyz halyqaralyq fýtbol federatsııasynyń (FIFA) ulttyq quramalarǵa arnalǵan jańa formattaǵy FIFA Series týrnıriniń Astanada ótetin oıyndarynda baq synaıdy.
Alǵashqyda oǵan Qazaqstan, Namıbııa, Komor araldary jáne Kýveıt qatysady dep josparlanǵan edi. Endi Kýveıttiń bas tartýyna baılanysty oıyndardy aınalmaly júıe boıynsha ótkizýge sheshim qabyldandy.
Aldymen qazaqstandyq fýtbolshylar 25 naýryzda Namıbııamen sheberlik baıqassa, 31 naýryzda Komor araldarymen jasyl alańǵa shyǵady.
Al 28 naýryzda Namıbııa men Komor araldary jasyl alańǵa shyǵady.
Qazaqstan quramasynyń tizimi:
Qaqpashylar: Temirlan Anarbekov («Qaırat»), Muhamedjan Seısen («Astana»), Bekhan Shaızada («Ordabasy»).
Qorǵaýshylar: Sergeı Malyı («Ordabasy»), Aleksandr Mrynskıı, Aleksandr Shırobokov, Erkin Tapalov (bári — «Qaırat»), Nuraly Álip («Zenıt», Reseı), ıAn Vorogovskıı, Álibek Qasym (ekeýi de — «Astana»), Arsen Áshirbek («Elimaı»), Meırambek Qalmyrza («Tobyl»), Ádilet Keńesbek, Saǵı Sovet (ekeýi de — «Qaısar»).
Jartylaı qorǵaýshylar: Ramazan Orazov («Elimaı»), Aıbol Ábiken («Qaısar»), Islambek Qýat («Jeńis»), Dinmuhamed Qaraman («Astana»).
Shabýylshylar: Oralhan Ómirtaev («Oqjetpes»), Ǵalymjan Kenjebek, Maksım Samorodov (ekeýi de — «Ahmat», Reseı), Islam Chesnokov («Harts», Shotlandııa), Jaslan Jumashev («Tobyl»), Ivan Svırıdov («Elimaı»), Artýr Shýshenachev («Aqtóbe»), Nurdáýlet Aǵzambaev («Qaısar»).
Qarsylasymyz — Namıbııa fýtbol qaýymdastyǵy 1990 jyly el táýelsizdik alǵannan keıin quryldy. 1992 jyly uıym FIFA quramyna kirdi jáne CAF qataryna qosyldy.
Búginde Namıbııa quramasy ulttyq quramalar arasyndaǵy FIFA reıtınginde 118-orynda tur.
Olar alǵashqy resmı kezdesýin 1990 jyly Mavrıkıı quramasyna qarsy ótkizip, 1:2 esebimen jeńilgen.
Komanda Afrıka Ulttar kýbogynyń fınaldyq kezeńine tórt ret qatysqan (1998, 2008, 2019 jáne 2023 jyldary). Eń úzdik nátıjesi — 2023 jyly 1/8 fınalǵa shyǵýy.
Eldiń basty stadıony — el astanasy Vındhýk qalasynda ornalasqan «Táýelsizdik stadıony». Arena 25 000-ǵa jýyq kórermenge arnalǵan jáne ulttyq quramanyń negizgi alańy sanalady.
Bul eldegi eń tıtýldy klýb — Black Africa. Bul komanda el chempıonatyn 10 márte jeńip alǵan.
Ulttyq quramanyń tarıhyndaǵy úzdik bombardır — Pıter Shalýlıle. Ol 52 matchta 19 gol soqqan.
Al quramada eń kóp oıyn ótkizgen oıynshy — qorǵaýshy Denzıl Gaoseb.
Namıbııa quramasynyń tizimi
Qaqpashylar: Kamaıdjanda Ndısıro («Haıberı», OAR), Djonas Mateýs («Ongos»), Mervın Kasetýra («Afrıkan Starz»);
Qorǵaýshylar: Charlz Hambıra («Afrıkan Starz»), Raıan Hanamýb («Amazýlý», OAR), Ngero Katýa («Haıberı», OAR), Paýlýs Amýtenıa («ÝNAM»), Okerı Ngýarambýka («Afrıkan Starz»), Týhafenı Devıd («Blıý Ýoters»), Dıkon Kakýendje («ıAng Afrıkan»), Serhıo Damaseb («Ganners»);
Jartylaı qorǵaýshylar: Aprosıýs Petrýs («Al-Hılıal», Sýdan), Tandjenı Iıambo («ÝNAM»), Dýeın Kında («Ongos»), Tjıpe Karýýombe («Gonıo», Grýzııa), Romeo Kasýme («Lırıa», Kosovo), Barnand Horaseb («Maıtı Ganners»), Vendel Rýdat («Afrıkan Starz»), Ben Namıb («Homas Nampol»), Ýetýýrý Kambato («Lırıa», Kosovo), Mbakondja Tdjahıkıka («Platıným», Zımbabve);
Shabýylshylar: Betýel Mýzeý («Blek Leopards», OAR), Hans Mýıeka («Maıtı Ganners»).
Týrnırdiń negizgi maqsaty — ulttyq quramalardyń oıyn tájirıbesin arttyryp, ártúrli fýtbol mektepteriniń bir-birimen básekege túsýine múmkindik berý. FIFA Series aıasynda ár topqa túrli qurlyqtan tórt komandadan bólinedi. Árbir qurama eki match ótkizedi. Bul halyqaralyq kúntizbege artyq júkteme túsirmeı, sonymen birge sapaly oıyn tájirıbesin qamtamasyz etýge baǵyttalǵan.
Bıylǵy týrnır matchtary birneshe elde ótedi. Olardyń qatarynda Qazaqstan da bar. Sonymen birge Aýstralııa, Ázerbaıjan, Indonezııa, Qazaqstan, Jańa Zelandııa, Pýerto-Rıko, Rýanda jáne Ózbekstan qabyldaýshy elder retinde tańdaldy.
