Fýtboldan Qazaqstan quramalaryna kimder jetekshilik jasaıdy

ASTANA. KAZINFORM - Qazaqstan fýtbol federatsııasy sheshimimen ulttyq jáne jasóspirimder quramalary bapkerler quramyna ózgerister engizdi.

Bul jóninde Qazaqstan fýtbol federatsııasy málim etti. Atalǵan sheshim quramalardyń damý men jańǵyrýdyń jańa kezeńine kóshý aıasynda júzege asyp otyr. QFF tehnıkalyq dırektory qyzmetine Gennadıı Skýrtýl kelse, Rýslan Baltıev QFF ulttyq quramalar departamentiniń dırektory qyzmetin atqarady.

Qurama bapkerleriniń tizimi tómendegishe:

Álı Álıev - fýtboldan Qazaqstan ulttyq quramasynyń bas bapkeri;

Denıs Mamonov - Qazaqstan jastar quramasynyń (U-21) aǵa bapkeri;

Kırıll Keker - Qazaqstan jasóspirimder quramasynyń (U-19) aǵa bapkeri;

Baýyrjan Saǵyndyq - Qazaqstan jasóspirimder quramasynyń (U-17) aǵa bapkeri;

Madııar Kembilov - Qazaqstan áıelder ulttyq quramasynyń bas bapkeri;

Janna Malgajdarova - Qazaqstan áıelder quramasynyń (U-19) aǵa bapkeri;

ıÝlııa Mamonova - Qazaqstan áıelder quramasynyń (U-17) aǵa bapkeri.

Bul kadrlyq taǵaıyndaýlar federatsııanyń tehnıkalyq sektoryn júıeli túrde jańǵyrtý baǵytyna sáıkes keledi. Atalǵan ózgerister strategııalyq josparlaý men ádistemelik jumystan bastap, aımaqtyq baǵdarlamalardy damytýǵa, bapkerler daıyndaýǵa jáne quramalar jumysyn úılestirýge deıingi aýqymdy qamtıdy.

Eske salsaq, budan buryn fýtboldan Qazaqstan ulttyq quramasynyń bas bapkeri Álı Álıev aldaǵy eki oıynǵa qatysatyn oıynshylardyń keńeıtilgen tizimin jarııalady.