Fýtboldan Qazaqstan kýbogynyń jerebesi tartyldy
NUR-SULTAN. QazAqparat - Fýtboldan Qazaqstan kýbogy toptyq kezeńiniń jerebesi tartyldy, dep habarlaıdy QazAqparat tilshisi.
Jerebe nátıjesi boıynsha 16 komanda tórt topqa bólindi. Olardyń 14-i Premer-lıgada synǵa túsetin klýbtar bolsa, jarystyń úsh satysynda jeńimpaz atanǵan «Qaısar» men «Jetisý» olardyń qataryna qosyldy.
Komandalardyń toptarǵa bólinýi tómendegishe:
A toby: «Aqsý», «Atyraý», «Qaırat», «Ordabasy»;
V toby: «Qaısar», «Aqjaıyq», «Kaspıı», «Qyzyljar»;
S toby: «Aqtóbe», «Maqtaaral», «Taraz», «Tobyl»;
D toby: «Shahter», «Turan», «Jetisý», «Astana».
Bıyl UEFA aıasynda ótetin jarystarǵa «Tobyl», «Astana», «Qaırat» jáne «Qyzyljar» komandalary qatysady. Osyǵan baılanysty jáne UEFA jarystarynyń irikteý oıyndarynyń jerebe nátıjesine sáıkes kýbok oıyndary kúntizbesinde ózgerister bolýy múmkin.
Eske salsaq, budan buryn fýtboldan el birinshiliginiń on birinshi týry ótkizildi.
