Fýtboldan Qazaqstan kýbogynyń úshinshi kezeńiniń jerebesi tartyldy
NUR-CULTAN. QazAqparat - Búgin fýtboldan Qazaqstan kýbogynyń úshinshi kezeńiniń jerebesi tartyldy, dep habarlaıdy QazAqparat tilshisi.
Aıta keteıik, alǵashqy eki kezeńniń nátıjesimen jarystyń atalǵan satysyna SDıÝSShOR №8, «Ońtústik Akademııa», «Aqsý» jáne «Maqtaaral» komandalary ótken bolatyn.
Endi úshinshi kezeńde SDıÝSShOR №8 men «Ońtústik Akademııa», «Maqtaaral» men «Aqsý» komandalary ózara jup qurady. Oıyndar 21 mamyrǵa josparlanǵan.
Jeńimpazdar bir oıyn qorytyndysy boıynsha anyqtalady. Ol kýboktyń toptyq kezeńine qatysýǵa múmkindikke ıe bolady.
Toptyq kezeńde barlyǵy 16 komanda synǵa túsedi. Onda Premer-lıgada oınaıtyn 14 ujym qataryna irikteý kezeńinde jeńimpaz bolǵan 2 komanda qosylady.
Oǵan qatysatyn klýbtar tórt topqa bólinip, barlyǵy alty oıyn ótkizedi. Ol 10 maýsymda bastalyp, 15 tamyzda máresine jetedi.
Shırek jáne jartylaı fınal da sol tártippen júrgiziledi. Shırek fınal 21-22 tamyz jáne 22 qyrkúıekte ótkiziledi.
Jartylaı fınal 6-7 qarasha jáne 20 qarashada bolady.
Fınal bir ǵana oıynnan turady. Oıyn 28 qarashaǵa belgilengen.
Eske salsaq, 2 jáne 3 mamyr kúnderi Premer-lıga komandalary arasyndaǵy el birinshiliginiń toǵyzynshy týry ótkizildi.
