Fýtboldan Qazaqstan kýbogynyń toptyq kezeńine qatysatyn komandalar anyqtaldy
NUR-SULTAN. QazAqparat - Fýtboldan Qazaqstan kýbogy toptyq kezeńine qatysatyn barlyq komanda anyqtaldy, dep habarlaıdy QazAqparat tilshisi.
Qazaqstan kýbogy úshinshi irikteý kezeńinde eki oıyn ótkizildi. Qyzylordanyń «Qaısary» óz alańynda Túrkistannyń «ıAssy» komandasyn 2:1 esebimen tize búktirse, Taldyqorǵannyń «Jetisýy» elordalyq «Jeńisten» 2:1 esebimen basym tústi.
Endi olardyń qataryna Premer-lıgada synǵa túsip jatqan 14 komanda qosylady.
Atalǵan klýbtar toptyq kezeńniń jerebesi aldynda tórt sebetke toptastyryldy.
Birinshi sebet: «Tobyl», «Astana», «Qaırat», «Qyzyljar».
Ekinshi sebet: «Shahter», «Kaspıı», «Taraz», «Ordabasy».
Úshinshi sebet: «Aqjaıyq», «Maqtaral», «Atyraý», «Turan».
Tórtinshi sebet: «Aqsý», «Aqtóbe», «Jetisý», «Qaısar».
Toptyq kezeńniń jerebe tartý rásimi 18 mamyrǵa belgilengen.
Toptyq kezeń oıyndary 8 shildede bastalyp, 14 tamyzda máresine jetedi. Al 31 tamyzda shırek fınal oıyndary bastalsa, jartylaı fınal 19 qazanda bolady. Fınal 12 qarashada ótedi.
Eske salsaq, fýtboldan el birinshiliginde Taraz komandasy kósh bastady.
