Fýtboldan Qazaqstan kýbogynyń fınalyna shyqqan alǵashqy komanda anyqtaldy

Oraldyń «Aqjaıyǵy» óz alańynda «Taraz» komandasyn qabyldaıdy. Kezdesý barysynda alań ıeleri jınaqylyq kórsetti. Nátıjesinde birinshi kezeńde qarsylas qaqpasyna jaýapsyz úsh gol soǵyp úlgerdi.

Oıynnyń 19-mınýtynda oraldyq komandadan Toma Tabatadze esep ashsa, Petros Avetısıan 38, Sabıno Dos Santos Rafael 45-mınýtta esepti ústemeledi.

Ekinshi kezeńde tarazdyq komanda gol soǵý múmkindigin izdedi. Tarazdyq Marat Shahmetov 75-mınýtta «Aqjaıyq» qaqpasynyń toryn týlatsa, odan keıin oraldyq klýbtan Artýr Gazdanov 78, Oralhan Omirtaev 82-mınýtta mergendik tanytty.

Al tarazdyq klýbtan Dáýren Jumat 87, Maqsat Ámirhanov 88-mınýtta gol soǵyp, esep aıyrmasyn qysqartty.

Osylaısha «Aqjaıyq» qarsylasyn 5:3 esebimen basym túsip, fınalǵa joldama aldy.

Buǵan deıin «Aqjaıyq» komandasy atalǵan týrnırdiń fınalyna shyǵyp kórgen emes. Osylaısha óz tarıhynda tuńǵysh márte kýbokty sarapqa salýǵa múmkindik alyp otyr.

Olardyń qarsylasy «Astana» men «Ordabasy» kezdesýinen keıin anyqtalady. Atalǵan oıyn 19:00-de bastalyp, PFLK-TV telearnasy arqyly tikeleı efırde kórsetiledi.

Atalǵan týrnır 1992 jyldan beri turaqty ótkizilip keledi.

Buǵan deıin Almatynyń «Qaıraty» 10 márte kýbokty tóbesine kóterdi. Barlyǵy 15 komanda kýbok ıegeri atandy.

Foto: Aıbatyr Nurash