Fýtboldan Qazaqstan Kýbogynyń fınalyna kirý tegin bolady
ASTANA. QazAqparat - 24 qarasha kúni Astana qalasynyń «Astana Arena» standıonynda fýtboldan Qazaqstan Kýbogynyń fınaly ótedi, dep habarlaıdy «SPORTINFORM» SAA.
El Kýbogynyń aqtyq synynda «Atyraý» men almatylyq «Qaırat» komandalary kezdesedi. Match elorda ýaqytymen saǵat 15:00-de bastalady. Qazaqstannyń kásipqoı fýtbol lıgasynyń sheshimimen oıynǵa kirý tegin bolady. «Atyraý» komandasynyń jankúıerleri úshin «SE» sektory bólingen. Al «Qaırat» jankúıerleri «NE» sektorynda ornalasady.
Eske sala keteıik, bul komandalar el Kýbogynyń byltyrǵy jarysynda kezdesip, oıyn almatylyqtardyń jeńisimen (1:0) aıaqtalǵan. Qaqpaǵa jalǵyz soǵylǵan doptyń ıesi - Jerar Goý.
