Fýtboldan Qazaqstan kýbogynyń fınaly Astanada ótedi
ASTANA. QazAqparat - Qazaqstan kásipqoı fýtbol lıgasy ákimshiligine «Ordabasy» fýtbol klýbynyń atynan shuǵyl habarlama kelip tústi. Atalmysh klýb budan buryn Qazaqstan kýbogy fınalyn óz alańynda ótkizýge usynys bildirgen edi, dep habarlaıdy QazAqparat tilshisi Qazaqstan kásipqoı fýtbol lıgasyna silteme jasap.
Atalmysh klýb qazirgi ýaqytta «Atyraý» men «Qaırat» komandalary arasyndaǵy fınaldyq oıyndy qabyldaý múmkindigi joqtyǵyn jetkizgen. Onda qysqa ýaqytta uıymdastyrý komıteti ınfraqurylymdy jaqsartýǵa baılanysty eskertpesin oryndaý qıynǵa soǵatyny aıtylǵan. Onyń ishinde Qajymuqan atyndaǵy ortalyq stadıonnyń alańy da bar. Qolaısyz aýa-raıynyń jaǵdaıyna baılanysty ony qalpynda ustaý qıyndyq týdyrady.
«Qazaqstan kásipqoı fýtbol lıgasy 2018 jylǵy Qazaqstan kýbogy fınaly kezdesýin oǵan qatysatyn eki komandaǵa tys aımaqta ótkizýge sheshim qabyldady. Ol budan buryn qosalqy stadıon retinde tanylǵan Astana qalasyndaǵy «Astana Arena» stadıonynda uıymdastyrylady. Oıyn 24 qarashada saǵat 15-00-ge belgilengen», - dep jazylǵan habarlamada.
Aıta ketelik, budan buryn Fýtboldan Ulttyq qurama sapynda ózgerister bolǵanyn habarlaǵan edik. Sondaı-aq, fýtboldan Premer-lıgada onynshy oryn alǵan jáne birinshi topta úshinshi oryn alǵan komandalar arasyndaǵy pleı-off kezeńiniń alǵashqy oıyny ótti.
