Fýtboldan Qazaqstan kýbogynyń ekinshi týry aıaqtaldy
NUR-SULTAN. QazAqparat - Fýtboldan Qazaqstan kýbogy toptyq kezeńi ekinshi týry máresine jetti, dep habarlaıdy QazAqparat tilshisi.
Ekinshi týrdyń sońǵy oıyn kúninde Shymkentte jergilikti «Ordabasy» Pavlodar oblysynyń «Aqsýyn» 2:0, Túrkistanda «Turan» Taldyqorǵannyń «Jetisýyn» 3:0 esebimen jeńdi.
Sondaı-aq, Oralda jergilikti «Aqjaıyq» Aqtaýdyń «Kaspııin» 3:1 esebimen súrindirdi.
Eske salsaq, budan buryn 15 jáne 16 shilde kúnderinde bes oıyn ótkizildi. Syrt alańda almatylyq «Qaırat» «Atyraýdy» 3:2, Qyzylordanyń «Qaısary» Petropavldyń «Qyzyljaryn» 2:1 esebimen tize búktirdi.
Al qostanaılyq «Tobyl» óz alańynda «Aqtóbeden» 2:1, «Taraz» Túrkistan oblysynyń «Maqtaralynan» 4:2 esebimen basym tústi.
Taǵy bir kezdesýde elordalyq «Astana» qaraǵandylyq «Shahter» (Qaraǵandy) komandasynan 5:2 esebimen jeńdi.
Endi Qazaqstan kýbogy úshinshi týr oıyndary 22, 23, 24 shilde kúnderi ótkiziledi.
