Fýtboldan Qazaqstan kýbogynyń alǵashqy kezeńine qatysatyn komandalar anyqtaldy
Bul jóninde Qazaqstan kásipqoı fýtbol lıgasy málim etti.
Qazaqstan kýbogynyń alǵashqy satysyndaǵy oıynda 15 naýryzda Shymkent qalasynda bastalady. Birinshi kezeń oıyndaryna birinshi jáne ekinshi lıgada oınaıtyn 16 komanda baq synaıdy. Komandalar negizgi kezeńge qatysýǵa múmkindik beretin eki joldama úshin talasady.
Alǵashqy kezeńde 16 komanda tórt topta saıysqa túsedi. Árbir toptyń jeńimpazy pleı-off kezeńinde bir-birimen kezdesip, jarystyń negizgi kezeńine qatysatyn 14 komanda qataryna qosylady.
Qazaqstan kýbogynyń alǵashqy kezeńinde «Ońtústik Akademııasy» (Shymkent), «Aqjaıyq» (Oral), «Altaı» (Óskemen), «Arys» (Arys), «Elimaı» (Semeı), «Jas Qyran» (Almaty), «Jetisaı» (Jetisaı), «Jeńis» (Astana), «Qyran» (Túrkistan oblysy), «Taraz» (Taraz), «Turan» (Túrkistan), «Ulytaý» (Jezqazǵan), «Han Táńiri» (Almaty), «ıAssy» (Túrkistan), «AKAS» (Almaty), «SD Family» (Astana) klýbtary ózara saıysqa túsedi.
Qazaqstan kýbogynyń alǵashqy jáne negizgi kezeńderiniń jerebesi 13 aqpanda tartylady.
Eske salsaq, budan buryn Damý kýbogynda Qazaqstan jasóspirimder quramasy ekinshi jeńisine qol jetkizgenin habarlaǵan edik.
