Fýtboldan Qazaqstan kýbogynyń alǵashqy kezeńi keıinge shegerildi
NUR-SULTAN. QazAqparat - Qazaqstan kásipqoı fýtbol lıgasy 2020 jylǵy Qazaqstan kýbogy alǵashqy kezeńin ótkizýdi keıinge shegerdi, dep habarlaıdy QazAqparat tilshisi lıganyń saıtyna silteme jasap.
Bul sheshim COVID-19 koronavırýs ınfektsııasynyń taralý qaýpiniń aldyn alýǵa baǵyttalǵan. Sondyqtan qazirgi tańda alǵashqy kezeńdi ótkizý máselesi talqylanýda. Bul Qazaqstan fýtbol federatsııasymen kelisilgennen keıin óz sheshimin tabady.
Qazaqstan kýbogynyń alǵashqy kezeńi 16-26 naýryz aralaǵynda ótkizilýi tıis bolatyn. Oǵan birinshi jáne ekinshi lıga komandalary qatysady.
Esterińizge sala ketelik, Qazaqstan fýtbol federatsııasy sporttyq is-sharalardy toqtatty.
