Fýtboldan Qazaqstan kýbogynyń 1/2 fınalyna shyqqan sońǵy komanda anyqtaldy
NUR-SULTAN. QazAqparat - Fýtboldan Qazaqstan kýbogynyń jartylaı fınalyna joldama alǵan sońǵy komanda anyqtaldy, dep habarlaıdy QazAqparat tilshisi.
Qyzylordada jergilikti «Qaısar» Shymkenttiń «Ordabasy» klýbyn qabyldady. Oıynnyń negizgi jáne qosymsha kezeńinde 1:1 esebi tirkeldi. Alaıda, penaltıde shymkenttik klýbtyń joly boldy.
Buǵan deıin habarlaǵanymyzdaı, elordada «Astana» Túrkistan oblysynyń «Maqtaaralyn» 1:0 esebimen jeńdi.
Sondaı-aq «Taraz» ben «Shahter» negizgi jáne qosymsha kezeńde 1:1 esebimen teń túsip, penaltıde tarazdyq klýb múlt ketken joq.
Taǵy bir kezdesýde almatylyq «Qaırat» óz alańynda «Aqjaıyqqa» 1:2 esebimen jol berdi.
Endi 19 qazanda jartylaı fınalda «Astana» men «Ordabasy», «Aqjaıyq» pen «Taraz» kezdesedi.
Qazaqstan kýbogy 1992 jyldan beri turaqty túrde ótkizilip keledi. Búginge deıin atalǵan kýbokty «Qaırat» 10 márte tóbesine kóterdi.
Sondaı-aq «Jeńis» - 3, «Astana» - 3, «Qaısar» - 2, «Atyraý», «Ertis», «Taraz», «Shahter», «Vostok», «Tobyl», «Aqtóbe», «Almaty», «Ordabasy», «Dostyq», «Spartak» (Semeı) bir márteden jeńimpaz atandy.
