Fýtboldan Qazaqstan kýbogynda VAR júıesi qoldanylady
NUR-SULTAN. QazAqparat - Fýtboldan Qazaqstan kýbogynyń aldaǵy oıyndarynda VAR júıesi qoldanylady, dep habarlaıdy QazAqparat tilshisi.
Qazaqstan fýtbol federatsııasy men Qazaqstan kásipqoı fýtbol lıgasy osyǵan baılanysty FIFA-nyń resmı ruqsatyn aldy.
Qazirgi ýaqytta birqatar otandyq fýtbol tóreshisi, oqýdyń barlyq kezeńinen ótti. Atalǵan mamandar resmı oıyndarda VAR (video assistant referee) jáne AVAR (assistant VAR) retinde jumys isteý úshin FIFA-nyń qajetti lıtsenzııasyn aldy.
«Kelesi maýsymda Sýperkýbok, el birinshiligi jáne kýbok oıyndarynda qyzmet kórsetetin barlyq tóreshi úshin oqytý jáne lıtsenzııalaý protsesi jalǵasýda.
Osy maýsymdaǵy Kýboktyń jartylaı fınaldyq jáne fınaldyq oıyndary FIFA jáne IFAB bekitken VAR hattamasyna sáıkes ótedi», - dep jazylǵan Qazaqstan kásipqoı fýtbol lıgasy taratqan habarlamada.
Aıta keteıik, jartylaı fınalda «Astana» men «Qaırat», «Tobyl» men «Shahter» kezdesedi. Komandalar 1/2 fınal oıyndaryn 6 jáne 20 qarasha kúnderi ótkizedi.
Fınal 28 qarashaǵa belgilengen.
