Fýtboldan Qazaqstan kýbogynda Tobyl qarsylasynan oısyraı jeńildi
NUR-SULTAN. QazAqparat - Fýtboldan Qazaqstan kýbogy toptyq kezeńi birinshi týrynyń ekinshi oıyn kúni ótti, dep habarlaıdy QazAqparat tilshisi.
Ekinshi oıyn kúninde Qostanaıdyń «Tobyly» syrt alańda «Tarazdan» 1:6 esebimen oısyraı jeńildi. Kezdesýde qostanaılyq klýb negizinen jastarǵa senim artty. Komandanyń negizgi quramy Chempıondar lıgasy birinshi irikteý satysyndaǵy Vengrııanyń «Ferentsvarosh» komandasymen qarymta oıynǵa daıyndalýda. Sondyqtan atalǵan kezdesýde negizinen jas fýtbolshylarǵa senim artqan bolatyn.
Sondaı-aq, ekinshi oıyn kúninde Almatynyń «Qaıraty» óz alańynda Shymkenttiń «Ordabasyn» 2:0 esebimen súrindirdi.
Al Túrkistan oblysynyń «Maqtaraly» óz alańynda «Aqtóbeden» 3:2 esebimen basym tústi.
Atalǵan týrda 8 shildede elordalyq «Astana» syrt alańda Taldyqorǵannyń «Jetisý» komandasymen 0:0 esebine qanaǵat bildirdi.
Qaraǵandyda jergilikti «Shahter» Túrkistannyń «Turannan» 4:0, Qyzylordada «Qaısar» Oraldyń «Aqjaıyǵynan» 1:0 esebimen basym tússe, Pavlodar oblysynyń «Aqsýy» óz alańynda «Atyraýǵa» 0:1 esebimen jol berdi .
Alǵashqy týrdy 10 shildede Aqtaýda jergilikti «Kaspıı» men Petropavldyń «Qyzyljar» komandalary túıindeıdi.
