Fýtboldan Qazaqstan kýbogynda «Tobyl» «Atyraýdy» qapy qaldyrdy
ASTANA. QazAqparat - Búgin fýtboldan Qazaqstan kýbogy jartylaı fınalynda qostanaılyq «Tobyl» «Atyraýdan» basym tústi, dep habarlaıdy QazAqparat tilshisi.
Kezdesý barysynda alań ıeleri alǵashqy mınýttan jeńiske jetý jolyn izdedi. Dese de oǵan atyraýlyq komanda oıynshylary laıyqty qarsylyq kórsetti.
Oıynnyń ekinshi kezeńinde «Tobyl» basymdyqty arttyra tústi. Nátıjesinde 83-mınýtta Asmır Sýlıch mergendik tanytty. Bul gol qostanaılyq klýbqa jeńis alyp keldi.
Osylaısha «Tobyl» qarsylasynan 1:0 esebimen basym tústi.
Aıta ketsek, buǵan deıin «Tobyl» Pavlodar oblysynyń «Aqsý», Qaraǵandynyń «Shahter», «Atyraý» komandasy «Aqtóbe», Almatynyń «Qaırat» komandalarynyń osal tusyn tapty.
Eske salsaq, budan buryn jartylaı fınaldaǵy taǵy bir kezdesýde «Astana» elordada «Ordabasyny» 1:0 esebimen tize búktirdi.
Endi qarymta oıyn 8 shildege belgilengen.
