Fýtboldan Qazaqstan kýbogynda Shahter shırek fınalǵa shyqty

NUR-SULTAN. QazAqparat - Fýtboldan Qazaqstan kýbogynyń toptyq kezeńi besinshi týryndaǵy taǵy bir oıynnyń nátıjesi belgili boldy, dep habarlaıdy QazAqparat tilshisi.

Bul joly Túrkistanda jergilikti «Turan» óz alańynda Qaraǵandynyń «Shahterin» qabyldady.

Oıyn barysynda Roher Kanıas 16, Evgenıı Kobzar 86-mınýtta mergendik tanytty. Osylaısha «Shahter» syrt alańda qarsylasyn 2:0 esebimen tize búktirdi.

Nátıjesinde 10 upaımen D tobynda kósh basyna shyǵyp, bir týr buryn shırek fınalǵa joldamaǵa qol jetkizdi.

Aıta ketsek, búgin V tobynda Oralda «Aqjaıyq» pen Qyzylordanyń «Qaısary» 2:2 esebine qanaǵat bildirdi .

Endi 6 tamyzda A tobynda «Atyraý» men «Aksý» (Pavlodar oblysy), C tobynda «Aqtóbe» men «Maqtaral» (Túrkistan oblysy) kezdesedi.

Al 7 tamyzda A tobynda «Ordabasy» (Shymkent) men «Qaırat» (Almaty), V tobynda «Qyzyljar» (Petropavl) men «Kaspıı» (Aqtaý), S tobynda «Tobyl» (Qostanaı) men «Taraz», D tobynda «Astana» (Nur-Sultan) men «Jetisý» (Taldyqorǵan) komandalary sheberlik baıqasady.