Fýtboldan Qazaqstan kýbogynda «Qaısar» qatarynan úshinshi márte jeńiske jetti
NUR-SULTAN. QazAqparat - Fýtboldan Qazaqstan kýbogynyń toptyq kezeńi úshinshi týrynyń ekinshi oıyn kúni ótti, dep habarlaıdy QazAqparat tilshisi.
Bul kúni Aqtaýda jergilikti «Kaspıı» Qyzylordanyń «Qaısar» komandasyn qabyldady.
Týrnır kestesinde «Qaısar» eki oıynnan keıin upaı joǵaltpastan kósh basynda kele jatqan edi. Al «Kaspıı» nebári bir upaımen tórtinshi oryndy mise tutqan.
Búgingi kezdesýde de qyzylordalyq fýtbolshylar jınaqy qımyl kórsetti. Nátıjesinde olardyń qatarynan Adama Dıallo 33, 45-mınýttarda mergendik tanytty.
Oǵan «Kaspıı» sapynan Rýan Telesh 92-mınýtta bir golmen jaýap qaıyrdy.
Osylaısha, «Qaısar» qatarynan úsh oıynda jeńiske jetip, toǵyz upaımen kósh basyndaǵy ornyn saqtap qaldy.
Endi 24 shildede «Turan» (Túrkistan) men «Astana» (Nur-Sultan), «Aqjaıyq» (Oral) pen «Qyzyljar» (Petropavl), «Jetisý» (Taldyqorǵan) men «Shahter» (Qaraǵandy), «Tobyl» (Qostanaı) men «Maqtaaral» (Túrkistan oblysy), «Qaırat» (Almaty) pen «Aqsý» (Pavlodar oblysy) komandalary oınaıdy.
Eske salsaq, 22 shildede «Atyraý» óz alańynda Shymkenttiń «Ordabasy» komandasyna 0:4 esebimen ese jiberse, «Taraz» ben «Aqtóbe» komandalary 0:0 esebine qanaǵat bildirdi.
