Fýtboldan Qazaqstan kýbogynda «Qaısar» alǵash ret jeńildi

NUR-SULTAN. QazAqparat - Fýtboldan Qazaqstan kýbogynyń toptyq kezeńi tórtinshi týrynyń alǵashqy oıyn kúni ótti, dep habarlaıdy QazAqparat tilshisi.

A tobynda Shymkenttiń «Ordabasy» komandasy óz alańynda «Atyraýdy» qabyldady.

Oıyn barysynda atyraýlyq klýb 2:1 esebimen jeńiske jetti. Nátıjesinde týrnır kestesinde qos komandanyń upaı sany teńesti. Olardyń alty-altydan upaıy bar.

Endi atalǵan topta 31 shildede Pavlodar oblysynyń «Aqsý» jáne Almatynyń «Qaırat» komandalary ózara sheberlik baıqasady.

Sondaı-aq, V tobynda «Qaısar» (Qyzylorda) jáne «Kaspıı» (Aqtaý) komandalary kezedsti. Bul oıynda qyzylordalyq klýb qarsylasyna 1:2 esebimen jol berdi.

Alǵashqy úsh týrda upaı joǵaltpaǵan «Qaısar» osylaısha birinshi ret jeńilistiń aşy dámin tatty.

Bul toptaǵy taǵy bir kezdesý 31 shildede «Qyzyljar» (Petropavl) men «Aqjaıyq» (Oral) arasynda bolady.

Aıta ketsek, 30 shildede 19:00-de D tobynda «Shahter» (Qaraǵandy) men «Jetisý» (Taldyqorǵan), 20:00-de S tobynda «Aqtóbe» men «Taraz» komandalary jasyl alańǵa shyǵady.

Al 31 shildede 19:00-de D tobynda «Astana» (Nur-Sultan) men «Turan» (Túrkistan), S tobynda «Maqtaral» (Túrkistan oblysy) jáne «Tobyl» (Qostanaı) oıyndary bastalady.

Eske salsaq, Qazaqstan kýbogynyń toptyq kezeńi 8 shildede jalaýyn kóterdi. Ol 15 tamyzda máresine jetedi.