Fýtboldan Qazaqstan kýbogynda «Qaırat» shırek fınalǵa joldama aldy

NUR-SULTAN. QazAqparat - Búgin fýtboldan Qazaqstan kýbogynyń toptyq kezeńiniń altynshy týrynyń alǵashqy oıyn kúni aıaqtaldy, dep habarlaıdy QazAqparat tilshisi.

Bul kúngi sońǵy eki kezdesýde A tobynda Almatynyń «Qaıraty» óz alańynda «Atyraý» komandasynan 3:0 esebimen basym tústi. Bul toptaǵy taǵy bir kezdesýde Pavlodar oblysynyń «Aqsý» klýby Shymkenttiń «Ordabasy» komandasyna 0:1 esebimen jeńilip qaldy.

Atalǵan toptan «Qaırat» pen «Ordabasy» shırek fınalǵa joldama aldy.

Sondaı-aq, V tobynda aqtaýlyq «Kaspıı» óz alańynda «Aqjaıyqty» 2:1 esebimen teń tússe, «Maqtaral» (Túrkistan oblysy) men «Taraz» 1:1 esebine qanaǵat bildirdi.

Endi 14 tamyzda 18:00-de D tobynda «Jetisý» (Taldyqorǵan) men «Turan» (Túrkistan), 19:00-de «Shahter» (Qaraǵandy) men «Astana» (Nur-Sultan), 21:00-de S tobynda «Aqtóbe» men «Tobyl» (Qostanaı), V tobynda «Qaısar» (Qyzylorda) men «Qyzyljar» (Petropavl) oıyndary bastalady.

Eske salsaq, Qazaqstan kýbogynyń toptyq kezeńi 8 shildede jalaýyn kóterdi. Ol 15 tamyzda máresine jetedi.