Fýtboldan Qazaqstan kýbogynda «Qaırat» pen «Tobyl» jeńilip qaldy

NUR-SULTAN. QazAqparat - Fýtboldan Qazaqstan kýbogynyń toptyq kezeńi tórtinshi týry máresine jetti, dep habarlaıdy QazAqparat tilshisi.

Atalǵan týrdy A tobyndaǵy Pavlodar oblysynyń «Aqsý» jáne Almatynyń «Qaırat», S tobyndaǵy «Maqtaral» (Túrkistan oblysy) jáne «Tobyl» (Qostanaı) komandalary túıindedi.

«Aqsý» jáne «Qaırat» komandalary 1:1 esebine qanaǵat bildirdi.

Oıyn barysynda pavlodarlyq klýbtan Damır Marat 2-mınýtta esep ashsa, almatylyq klýbtan Erkebulan Seıdahmet 24-mınýtta penaltıden tarazy basyn teńestirdi.

Eske salsaq, budan buryn A tobynda Shymkenttiń «Ordabasy» óz alańynda «Atyraýǵa» 1:2 esebimen jeńilip qaldy.

Al «Maqtaral» Túrkistan qalasynda Qostanaıdyń «Tobylyn» qabyldady.

Kezdesý barysynda túrkistandyq klýbtan Ramazan Kárimov 53-mınýtta soqqan jalǵyz gol oıyn taǵdyryn sheshti.

Sondaı-aq, atalǵan topta «Aqtóbe» men «Taraz» 0:0 esebine qanaǵat bildirdi.

Sondaı-aq, dál sondaı eseppen V tobynda «Qaısar» (Qyzylorda) óz alańynda «Kaspıı» (Aqtaý) komandasyna jol berdi.

Al búgin Oraldyń «Aqjaıyǵy» elordada Petropavldyń «Qyzyljaryn» utty.

D tobynda elordalyq «Astana» óz alańynda Túrkistannyń «Turanynan» 2:1 esebimen basym tústi.

Atalǵan toptaǵy taǵy bir kezdesýde Qaraǵandynyń «Shahteri» Taldyqorǵannyń «Jetisýyn» 4:2 esebimen tize búktirgen edi.