Fýtboldan Qazaqstan kýbogynda «Qaırat» qatarynan úshinshi márte jeńiske jetti
NUR-SULTAN. QazAqparat - Fýtboldan Qazaqstan kýbogynyń toptyq kezeńi úshinshi týry máresine jetti, dep habarlaıdy QazAqparat tilshisi.
Atalǵan týrdaǵy sońǵy oıynda Almatyda jergilikti «Qaırat» Pavlodar oblysynyń «Aqsý» komandasyn 3:2 esebimen súrindirdi.
Kezdesý barysynda almatylyq klýbtan Vıacheslav Shvyrev 38, Artýr Shýshenachev 58, Gúljigit Alykýlov 79, Danııar Úsenov 93-mınýttarda gol soqty.
Oǵan pavlodarlyq klýbtan Arman Smaıylov 55, Mıras Turlybek 91-mınýttarda qos golmen jaýap qaıyrdy.
Osylaısha «Qaırat» qarsylasynan 4:2 esebimen basym tústi.
Sondaı-aq, «Aqjaıyq» (Oral) «Qyzyljar» (Petropavl) komandasyn 1:0, «Jetisý» (Taldyqorǵan) men «Shahter» (Qaraǵandy) 0:0 esebimen teń oınady.
Al «Tobyl» (Qostanaı) óz alańynda «Maqtaaral» (Túrkistan oblysy) komandasyna 1:4 esebimen jol berdi.
Eske salsaq, budan buryn 22 shildede «Atyraý» óz alańynda Shymkenttiń «Ordabasy» komandasyna 0:4 esebimen ese jiberse, «Taraz» ben «Aqtóbe» komandalary 0:0 esebine qanaǵat bildirdi.
Sondaı-aq, 23 shildede qyzylordalyq «Qaısar» syrt alańda Aqtaýdyń «Kaspıı» komandasyn 2:1 esebimen súrindirdi.
Endi tórtinshi týr oıyndary 29, 30, 31 shilde kúnderi ótkiziledi.
