Fýtboldan Qazaqstan kýbogynda «Kaspıı» men «Qyzyljar» teń tústi
NUR-SULTAN. QazAqparat - Fýtboldan Qazaqstan kýbogy toptyq kezeńi birinshi týry máresine jetti, dep habarlaıdy QazAqparat tilshisi.
Alǵashqy týrdy búgin, 10 shildede Aqtaýda jergilikti «Kaspıı» men Petropavldyń «Qyzyljar» komandalary túıindedi.
Kezdesýde komandalar 1:1 esebine qanaǵat bildirdi. Oıynnyń 6-mınýtynda petropavldyq klýbtan Pavel ıAkovlev esep ashsa, oǵan 50-mınýtta Erkebulan Nurǵalıev bir golmen jaýap qaıyrdy.
Alǵashqy týrda óz alańynda Almatynyń «Qaıraty» Shymkenttiń «Ordabasysyn» 2:0, Túrkistan oblysynyń «Maqtaraly» «Aqtóbeni» 3:2, qaraǵandylyq «Shahter» Túrkistannyń «Turanyn» 4:0 esebimen jeńdi.
Al Qyzylordada «Qaısar» Oraldyń «Aqjaıyǵyn» 1:0, « Taraz» qostanaılyq «Tobyldy» 6:1 esebimen súrindirdi .
Al elordalyq «Astana» syrt alańda Taldyqorǵannyń «Jetisý» komandasymen 0:0 esebine qanaǵat bildirse, Pavlodar oblysynyń «Aqsýy» óz alańynda «Atyraýǵa» 0:1 esebimen jol berdi.
Endi ekinshi týr oıyndary 15, 16, 17 shilde kúnderi ótkiziledi.
