Fýtboldan Qazaqstan kýbogynda «Astana» «Jetisýmen» teń tústi
NUR-SULTAN. QazAqparat - Búgin fýtboldan Qazaqstan kýbogy toptyq kezeńi birinshi týrynyń alǵashqy oıyn kúni aıaqtaldy, dep habarlaıdy QazAqparat tilshisi.
Bul týrda elordalyq «Astana» syrt alańda Taldyqorǵannyń «Jetisý» komandasymen 0:0 esebimen teń tústi. Premer-lıgada kósh basynda júrgen elordalyq klýb osylaısha birinshi lıgada segizinshi orynda turǵan ujymnyń osal tusyn taba alǵan joq.
Qaraǵandyda jergilikti «Shahter» Túrkistannyń «Turanyn» 4:0 esebimen oısyrata jeńse, Pavlodar oblysynyń «Aqsýy» óz alańynda «Atyraýǵa» 0:1 esebimen jol berdi.
Al Qyzylordada «Qaısar» Oraldyń «Aqjaıyǵynan» 1:0 esebimen basym tústi.
Endi 9 shildede «Qaırat» pen «Ordabasy», «Taraz» ben «Tobyl», «Maqtaral» men «Aqtóbe» jasyl alańǵa shyǵady.
Alǵashqy týrdy 10 shildede «Kaspıı» men «Qyzyljar» komandalary túıindeıdi.
Jerebe nátıjesi boıynsha 16 komanda tórt topqa bólingen.
Onyń 14-i Premer-lıgada synǵa túsetin klýbtar bolsa, jarystyń úsh satysynda jeńimpaz atanǵan «Qaısar» men «Jetisý» olardyń qataryna qosyldy .