Fýtboldan Qazaqstan kýbogynda «Astana» «Turannan» basym tústi

NUR-SULTAN. QazAqparat - Fýtboldan Qazaqstan kýbogynyń toptyq kezeńi tórtinshi týrynyń úshinshi oıyn kúnindegi taǵy bir matchtyń nátıjesi belgili boldy, dep habarlaıdy QazAqparat tilshisi.

Bul joly D tobynda elordalyq «Astana» óz alańynda Túrkistannyń «Turanyn» qabyldady.

Oıyn barysynda elordalyq komandadan Pedro Eýjenıo 2, 26- mınýttarda mergendik tanytty. Oǵan túrkistandyq komandadan Samır Fazlı 58-mınýtta bir golmen jaýap qaıyrdy.

Atalǵan toptaǵy taǵy bir kezdesýde Qaraǵandynyń «Shahteri» Taldyqorǵannyń «Jetisýyn» 4:2 esebimen tize búktirgen edi.

Dál qazir A tobynda Pavlodar oblysynyń «Aqsý» jáne Almatynyń «Qaırat», S tobynda «Maqtaral» (Túrkistan oblysy) jáne «Tobyl» (Qostanaı) komandalary kezdesip jatyr.

Sondaı-aq, S tobynda «Aqtóbe» men «Taraz» 0:0 esebine qanaǵat bildirdi.

Eske salsaq, budan buryn A tobynda Shymkenttiń «Ordabasy» óz alańynda «Atyraýǵa» 1:2 esebimen jeńilip qaldy.

Sondaı-aq, dál sondaı eseppen V tobynda «Qaısar» (Qyzylorda) óz alańynda «Kaspıı» (Aqtaý) komandasyna jol berdi.

Al búgin Oraldyń «Aqjaıyǵy» elordada Petropavldyń «Qyzyljaryn» utty.