Fýtboldan Qazaqstan kýbogynda «Astana» «Shahterden» iri eseppen basym tústi
NUR-SULTAN. QazAqparat - Fýtboldan Qazaqstan kýbogy toptyq kezeńi ekinshi týry bastaldy, dep habarlaıdy QazAqparat tilshisi.
Ekinshi týrdyń alǵashqy oıyn kúninde almatylyq «Qaırat» syrt alańda «Atyraýdy» 3:2 esebimen tize búktirdi. Oıyn barysynda atyraýlyq klýbtan Mateýs Bıssı 15, 83-mınýttarda mergendik tanytty.
Oǵan «Qaırat» sapynan Andreı Ýlshın 19, Ádilet Sadybekov 43, Vıktor Vasın 57-mınýttarda úsh golmen jaýap qaıyrdy.
Eki jeńisten keıin almatylyq komanda alty upaımen A tobynda kósh bastap keledi.
Endi atalǵan topta 17 shildede «Ordabasy» (Shymkent) pen «Aqsý» (Pavlodar oblysy) komandalary kezdesedi.
Búgin D tobynda elordalyq «Astana» qaraǵandylyq «Shahter» (Qaraǵandy) komandasynan 5:2 esebimen basym tústi.
Oıyn barysynda elordalyq klýbtan Perdro Eýjenıo 17, Raı Vlýt 42, 45, ıÝrıı Pertsýh 51, 92-mınýttarda kózdegen nysanadan múlt ketken joq.
Al «Shahter» sapynan Edın Rýstemovıch 36, Evgenıı Kobzar 87-mınýtta gol soqty.
Endi atalǵan topta «Turan» (Túrkistan) pen «Jetisý» (Taldyqorǵan) komandalary sheberlik baıqasady.
Sondaı-aq, V tobynda 16 shildede «Qyzyljar» (Petropavl) men «Qaısar» (Qyzylorda), 17 shildede «Aqjaıyq» (Oral) pen «Kaspıı» (Aqtaý) jasyl alańǵa shyǵady.
Al S tobynda 16 shildede «Taraz» ben «Maqtaral» (Túrkistan oblysy), «Tobyl» (Qostanaı) men «Aqtóbe» komandalary oınaıdy.
Eske salsaq, budan buryn fýtboldan Chempıondar lıgasynda «Tobyl» «Ferentsvaroshqa» jol bergen edi.