Fýtboldan Qazaqstan kýbogynda «Astana» «Ordabasydan» basym tústi

ASTANA. QazAqparat - Búgin fýtboldan Qazaqstan kýbogy jartylaı fınalynyń alǵashqy oıynynda «Astana» elordada «Ordabasydan» basym tústi, dep habarlaıdy QazAqparat tilshisi.

Kezdesý barysynda komandalar tartysty oıyn ótkizdi. Birinshi kezeńde esep ashylǵan joq.

Oıyn taǵdyryn sheshken goldy 73-mınýtta «Astana» sapynan Igor Ivanovıch soqty.

Endi jarystyń atalǵan satysynda 21.00-de «Tobyl» men «Atyraý» komandalary kezdesedi.

Oıyn «Qazsport» telearnasynan tikeleı efırde kórsetiledi.

Aıta ketsek, buǵan deıin «Astana» qyzylordalyq «Qaısar», túrkistandyq «Turan» komandalaryn orta jolda qaldyrsa, «Ordabasy» Túrkistan oblysynyń «Maqtaaraly» men Petropavldyń «Qyzyljaryn» jeńdi.

Eske salsaq, budan buryn fýtboldan el birinshiliginde jazǵy transfer merzimi bastalǵanyn jazǵan edik.