Fýtboldan Qazaqstan kýbogynda «Astana» men «Turan» teń tústi
NUR-SULTAN. QazAqparat - Fýtboldan Qazaqstan kýbogynyń toptyq kezeńi úshinshi týrynda «Astana» men «Turan» teń tústi, dep habarlaıdy QazAqparat tilshisi.
Bul kúngi alǵashqy oıynda Túrkistanda jergilikti «Turan» men elordalyq «Astana» komandalary kezdesti.
Elordalyq fýtbolshylar atalǵan kezdesýde negizinen jastarǵa senim artty. Aldaǵy beısenbide «Astana» óz alańynda UEFA Konferentsııa lıgasynyń ekinshi irikteý satysynda Polshanyń «Rakýv» komandasymen qarymta oıyn ótkizedi. Sondyqtan negizgi quram fýtbolshylaryna beısenbige deıin demalys berdi.
Eki komanda 1:1 esebine qanaǵat bildirdi.
Sondaı-aq, «Aqjaıyq» (Oral) «Qyzyljar» (Petropavl) komandasyn 1:0, «Jetisý» (Taldyqorǵan) men «Shahter» (Qaraǵandy) 0:0 esebimen teń tústi.
Al «Tobyl» (Qostanaı) óz alańynda «Maqtaaral» (Túrkistan oblysy) komandasyna 1:4 esebimen jol berdi.
Dál qazir «Qaırat» (Almaty) pen «Aqsý» (Pavlodar oblysy) komandalary oınap jatyr. Ázirge esep 0:0.
Eske salsaq, budan buryn 22 shildede «Atyraý» óz alańynda Shymkenttiń «Ordabasy» komandasyna 0:4 esebimen ese jiberse, «Taraz» ben «Aqtóbe» komandalary 0:0 esebine qanaǵat bildirdi.
Sondaı-aq, 23 shildede qyzylordalyq «Qaısar» syrt alańda Aqtaýdyń «Kaspıı» komandasyn 2:1 esebimen súrindirdi.
