Fýtboldan Qazaqstan kýbogy: Jartylaı fınalǵa shyqqan ekinshi komanda anyqtaldy
NUR-SULTAN. QazAqparat - Fýtboldan Qazaqstan kýbogynyń jartylaı fınalyna Qostanaıdyń «Tobyly» joldama aldy, dep habarlaıdy QazAqparat tilshisi.
Qostanaılyq klýb búgin óz alańynda Petropavldyń «Qyzyljaryn» qabyldady. Oıyn barysynda alań ıeleri qatarynan Roman Asrankýlov 61-mınýtta mergendik tanytty.
Eki komanda arasyndaǵy alǵashqy kezdesýde de «Tobyl» atalǵan qarsylasyna 1:0 esebimen tize búktirgen edi.
Osylaısha qostanaılyq klýb jartylaı fınalǵa shyqqan ekinshi komanda atandy.
Eske salsaq, budan buryn mundaı múmkindikke elordalyq «Astana» ıe bolǵan edi. Elordalyq klýb syrt alańda Aqtaýdyń «Kaspııinen» 1:0 esebimen basym tústi. Eki komanda arasyndaǵy alǵashqy kezdesýde 3:3 esebi tirkelgen bolatyn.
Sondaı-aq, búgin alǵashqy kezdesýinde Almatynyń «Qaıraty» Qyzylordanyń «Qaısaryn» 3:0 esebimen jeńse, Qaraǵandynyń «Shahteri» syrt alańda «Tarazben» 0:0 esebimen teń tústi.
Aıta ketsek, «Qaırat» pen «Shahterdiń» ekrokýbok oıyndaryna qatysýyna baılanysty 21 tamyz kúni ótýi tıis kezdesýler búginge shegerilgen edi. Endi olar búgingi qarsylastarymen qarymta oıyndardy 27 qazanda ótkizedi.
