Fýtboldan Qazaqstan kýbogy: «Tobyl» kelesi kezeńge ótti
QOSTANAI. QazAqparat - Fýtboldan QR kýbogynyń 1/8 fınalynda «Tobyl» Taldyqorǵannyń «Jetisý» komandasyn utty, dep habarlaıdy QazAqparat.
Kýbok oıyny Qostanaıdyń «Zatobolets» alańynda ótti. «Tobyl» klýbynyń bas bapkeri Vladımır Nıkıtenko búgingi oıynǵa bes qorǵaýshymen shyqty. Shabýyl ótinde - Moldaqaraev pen Fedın juby. Olarǵa aldyńǵy shepte Baýyrjan Turysbek kómektesti.
Birinshi taımdaǵy eń aıshyqty sát Jasulan Moldaqaraevtyń enshisinde. Ol alań ortasynan pas alyp, «Jetisý» qaqpasyna aınaldyra soqqy jasaǵan. Alaıda, jyldamdyq tanytqan qaqpashy Nurlybek Aıazbaev dopty qaıtaryp jiberdi.
Kezdesýdiń ekinshi bóliginde alańǵa «Tobyldyń» grýzııalyq legıoneri Djaba Kankava qosyldy. Kankava shyqqan soń qostanaılyqtardyń shabýylǵa «jan bitkendeı». 65-mınýtta taldyqorǵandyqtar Baýyrjan Turysbekti aıyp alańynda shalyp jyqty. Penaltı! B.Turysbek núkteden qatelespedi. 1:0!
Qalǵan ýaqytta «Tobyl» oıynshylary qorǵanysta oınap, osy esepti saqtap qaldy. Nátıjesinde, qostanaılyqtar Kýbok oıyndarynyń kelesi kezeńine shyqty.
