Fýtboldan Qazaqstan kýbogy: «Tobyl» qarsylasynan oısyraı jeńildi
NUR-SULTAN. QazAqparat - Búgin fýtboldan Qazaqstan kýbogy tórtinshi týry úshinshi oıyn kúninde eki kezdesý aıaqtaldy, dep habarlaıdy QazAqparat tilshisi.
Qostanaıdyń «Tobyly» syrt alańda Túrkistan oblysynyń «Maqtaral» komandasymen kezdesken edi. Qostanaılyq klýb atalǵan kezdesýge negizinen jastar quramyn shyǵardy. Esesine ózderiniń qaqpasyna jaýapsyz tórt gol jiberip aldy. Alań ıeleri qatarynan Dramane Kone 31, Evgenıı Levın 51, Edige Oralbaı 87, Sultanbek Dúıseshov 91-mınýttarda mergendik tanytty. Osylaısha «Maqtaral» qarsylasyn 4:0 esebimen jeńdi.
Búgingi taǵy bir kezdesýde «Jetisý» (Taldyqorǵan) men «Kaspıı» (Aqtaý) komandalary 0:0 esebine qanaǵat bildirdi.
Eske salsaq, atalǵan týrda 30 shildede «Taraz» «Atyraýdy» 1:0 esebimen jeńdi. Odan keıin 31 shildede Qyzylordanyń «Qaısary» óz alańynda «Aqtóbeden» 1:0, «Turan» (Túrkistan) almatylyq «Qaırattan» 4:3 esebimen basym tústi.
Aıta ketsek, dál qazir «Aqjaıyq» (Oral) men «Astana» (Nur-Sultan), SDıÝSShOR №8 (Nur-Sultan) men «Shahter» (Qaraǵandy) komandalary kezdesýde.
