Fýtboldan Qazaqstan kýbogy Tarazda ótýi múmkin

Qazaqstan kásipqoı fýtbol lıgasy basshylyǵy komandalardyń sporttyq dırektorlarymen fýtboldan Qazaqstan kýbogy fınaly ótetin stadıondy sarapqa saldy. Kýbok sarapqa salynatyn kezdesý fınalda synǵa túsetin komandalarǵa beıtarap alańda ótýi tıis.

Esterińizge sala ketelik, qazirgi kúni fýtboldan Qazaqstan kýbogy jartylaı fınalyna Qostanaıdyń «Tobyl», Qyzylordanyń «Qaısar», Shymkenttiń «Ordabasy» jáne Atyraýdyń «Atyraý» komandalary shyqty. Jartylaı fınaldyń alǵashqy kezdesýinde Shymkentte «Ordabasy» klýby «Atyraýmen» 1:1 esebimen teń tússe, Qostanaıda «Tobyl» «Qaısardy» 1:0 esebimen tize búktirdi. Qarymta oıyndar 19 maýsymda ótkiziledi.

Sondaı-aq, fınaldyq oıyn ótkizýge úmitkerler qatarynda Taldyqorǵan, Qostanaı jáne Pavlodar qalalaryndaǵy stadıondar bar.

Aıta keteıik, osy ýaqytqa deıin Almatynyń «Qaıraty» 9 márte Qazaqstan kýbogy ıegeri atandy. Odan keıingi oryndarda «Astana-1964» (burynǵy «Jeńis») pen «Astana» komandalarynda úsh-úshten kýbok bar. Al «Ertis», «Taraz», «Vostok», «Tobyl», «Aqtóbe», «Shahter», «Atyraý», «Qaısar», «Alma-Ata», «Ordabasy», «Dostyq», «Spartak» (Semeı), SKIF-«Ordabasy» jáne «Qyzyljar» komandalary bir-bir márte jeńimpaz boldy.