Fýtboldan Qazaqstan kýbogy: Shırek fınalǵa shyqqan komandalar tolyqtaı anyqtaldy
NUR-SULTAN. QazAqparat - Búgin fýtboldan Qazaqstan kýbogy shırek fınalyna shyqqan komandalar quramy tolyqtaı belgili boldy, dep habarlaıdy QazAqparat tilshisi.
A tobynda Petropavldyń «Qyzyljary» Qaraǵandynyń «Shahterimen» kezdesti. Kezdesý barysynda petropavldyq klýb qarsylasyn 8:1 esebimen jeńdi.
Týrnır kestesinde alǵashqy eki orynǵa «Qyzyljar» men «Shahter» ıe bolyp, shırek fınalǵa joldama aldy.
Shırek fınalda «Taraz» ben «Shahter», «Qaırat» pen «Qaısar», «Astana» men «Kaspıı», «Qyzyljar» men «Tobyl» jup qurady.
Shırek fınal 21, 22 tamyz kúnderine belgilense, qarymta kezdesý 22 qyrkúıekke josparlanǵan.
Jarystyń 1/4 jáne 1/2 fınaldyq satylarynda komandalar eki oıynnan ótkizedi. Fınal 28 qarasha kúni bolady.
Eske salsaq, budan buryn Qazaqstan kýbogy shırek fınalyna alty komanda shyqqanyn habarlaǵan edik.
