Fýtboldan Qazaqstan kýbogy: «Shahter» jartylaı fınalǵa shyqty
NUR-SULTAN. QazAqparat - Fýtboldan Qazaqstan kýbogy jartylaı fınalyna shyqqan taǵy bir komanda anyqtaldy, dep habarlaıdy QazAqparat tilshisi.
Mundaı múmkindikke Qaraǵandynyń «Shahteri» ıe boldy. Qaraǵandylyq klýb búgin óz alańynda «Tarazdan» 3:1 esebimen basym tústi. Alań ıeleri qatarynan Davıd Atanaskoskı 27, Martın Toshev 60, Aıdos Táttibaev 90-mınýttarda mergendik tanytsa, oǵan 39-mınýtta tarazdyq Álisher Súleı bir golmen jaýap qaıyrdy.
Endi olar jartylaı fınalda 6 jáne 20 qarasha kúnderi «Tobyl» komandasymen kezdesedi. Qostanaılyq klýb shırek fınalda «Qyzyljar» (Petropavl) klýbyn (1:0, 1:0) qapy qaldyryp ketti.
Sondaı-aq, búgin Qyzylordada «Qaısar» elorda ýaqytymen19.00-de Almatynyń «Qaıratymen» kezdesedi. Alǵashqy oıynda almatylyqtar 3:0 esebimen basym tústi.
Bul juptyń jeńimpazy jartylaı fınalda «Astanamen» sheberlik baıqasady.
Foto: shakhter.kz
