Fýtboldan Qazaqstan kýbogy: «Ordabasy» men «Astana» jartylaı fınalǵa shyqty

ASTANA. QazAqparat – Fýtboldan Qazaqstan kýbogy jartylaı fınalyna shyqqan eki komanda belgili boldy, dep habarlaıdy QazAqparat tilshisi.

Jartylaı fınaldyń alǵashqy eki joldamasyna «Ordabasy» men «Astana» qol jetkizdi.

Jarystyń atalǵan satysyndaǵy alǵashy kezdesýde «Qyzyljar» (Petropavl) men «Ordabasy» (Shymkent) jasyl alańǵa shyqty..

Oıyn barysynda petropavldyq klýb 1:0 esebimen jeńiske jetti. Eki komanda arasyndaǵy birinshi oıynda «Ordabasy» 2:0 esebimen basym tústi.

Al, «Turan» (Túrkistan) men «Astana» kezdesýinde 1:1 esebi tirkeldi.

Alǵashqy oıynda elordalyq klýb 2:0 esebimen jeńiske jetken edi.

Dál qazir «Shahter» (Qaraǵandy) men «Tobyl» (Qostanaı), «Atyraý» men «Qaırat» (Almaty) oıyndary ótip jatyr. Ázirge esep – 0:0.