Fýtboldan Qazaqstan kýbogy: «Ordabasy» fınalǵa joldama aldy
ASTANA. QazAqparat - Shymkenttiń «Ordabasy» klýby fýtboldan Qazaqstan kýbogynyń fınalyna berilgen alǵashqy joldamaǵa ıe boldy, dep habarlaıdy QazAqparat tilshisi.
Shymkenttik klýb jartylaı fınalda óz alańynda elordalyq «Astana» komandasymen sheberlik baıqasty.
Eki komanda arasyndaǵy alǵashqy kezdesýde «Astana» 1:0 esebimen basym túsken edi.
Búgingi oıynda «Ordabasy» sapynan Shahboz Ýmarov 53-mınýtta mergendik tanytty.
Nátıjesinde eki kezdesýdiń qorytyndysy boıynsha tarazy basy teńesip, oıyn overtaımǵa ulasty.
Overtaımnyń 105-mınýtynda Temirlan Erlanov esepti ústemeleı tústi.
Osylaısha «Ordabasy» qarsylasynan 2:0 esebimen basym tústi.
Endi 8 shildede «Atyraý» men «Tobyl» (Qostanaı) komandalary sheberlik baıqasady.
Alǵashqy oıynda qostanaılyq klýb atalǵan qarsylasyn 1:0 esebimen jeńgen edi.
