Fýtboldan Qazaqstan kýbogy: «Qaırat» sátsizdikter serııasyn toqtatty
NUR-SULTAN. QazAqparat - Búgin fýtboldan Qazaqstan kýbogy besinshi týrynda Almatynyń «Qaıraty» Taldyqorǵannyń «Jetisýynan» basym tústi, dep habarlaıdy QazAqparat tilshisi.
Qazaqstan kýbogyndaǵy budan burynǵy oıyndarda almatylyq klýb jankúıer seniminen shyǵa alǵan joq.
Qatarynan úsh kezdesýde qarsylastaryne ese jiberip qoıdy.
Nátıjesinde týrnır kestesinde sońǵy oryndardy mise tutty.
Sondyqtan búgingi kezdesýde negizgi quramnyń birqatar fýtbolshylary alǵashqy mınýttan jasyl alań tórinen kórindi.
Oıynnyń 4, 18-mınýttarynda shabýylshy Artýr Shýshenachev qos goldyń avtory atansa, Rade Dýgalıch 61-mınýtta qorytyndy esepti belgiledi.
Kezdesýde «Qaırat» qarsylasynan 3:0 esebimen basym tústi.
Búgingi taǵy bir oıynda Qostanaıdyń «Tobyly» óz alańynda «Tarazdy» 2:1 esebimen jeńdi.
Osylaısha «Qaırat» sátsizdikter serııasyn toqtatty.
Atalǵan týrda 7 tamyzda «Qyzyljar» SDıÝSShOR №8 komandasyn 3:2, «Aqjaıyq» «Aqtóbeni» 2:1 esebimen jeńse, «Maqtaral» men «Atyraý» 1:1 esebimen teń tústi.
Dál qazir «Astana» men «Qaısar», «Turan» men «Kaspıı» komandalary kezdesýde.
