Fýtboldan Qazaqstan kýbogy: «Qaırat» qatarynan ekinshi márte jeńildi
NUR-SULTAN. QazAqparat - Búgin fýtboldan Qazaqstan kýbogy toptyq kezeńiniń úshinshi týrynyń alǵashqy oıyn kúni aıaqtaldy, dep habarlaıdy QazAqparat tilshisi.
Alǵashqy oıyn kúninde birinshi kezdesý Petropavlda jergilikti «Qyzyljar» men Shymkenttiń «Ordabasy» klýbtary arasynda ótti. Aldymen shymkenttik Sultanbek Astanov 17-mınýtta esep ashsa, oǵan petropavldyq Darko Zorıch 43-mınýtta bir golmen jaýap qaıyrdy. Kezdesýde 1:1 esebi tirkeldi.
Almatynyń «Qaıraty» kýbok oıyndaryn súreńsiz ótkizip keledi. Olar búgingi oıynda óz alańynda Túrkistannyń «Turanyna» 0:1 esebimen jol berdi. Jalǵyz gol 68-mınýtta Chısom Nkobıdiń enshisine jazyldy. Aıta keteıik, budan buryn almatylyq klýb Aqtaýdyń «Kaspııine» 0:2 esebimen jeńilip qalǵan edi.
Al «Taraz» syrt alańda «Atyraýdy» 2:1 esebimen tize búktirdi. Alań ıelerinen 30-mınýtta Jıan Martıns esep ashty. Odan tarazdyq fýtbolshylar qatarynan Dinmuhamed Qaraman 43, Baýyrjan Baıtana 59-mınýttarda qos gol soǵyp ketti.
Qyzylordanyń «Qaısary» syrt alańda «Aqtóbeni» 2:1 esebimen jeńdi. Aldymen qyzylordalyq klýbtan Egor Potapov 69, Stefan Denkovıch 84-mınýttarda gol soqsa, 95-mınýtta aqtóbelik ıÝrıı Logvınenko esep aıyrmasyn qysqartty.
Endi 25 shildede «Shahter» (Qaraǵandy) men BJMORSM (Nur-Sultan), «Atyraý» men «Taraz», «Kaspıı» (Aqtaý) men «Jetisý» (Taldyqorǵan), «Astana» (Nur-Sultan) men «Aqjaıyq» (Oral) kezdesse, «Tobyl» (Qostanaı) men «Maqtaral» (Túrkistan oblysy) úshinshi týrdy túıindeıdi.
