Fýtboldan Qazaqstan kýbogy: Fınalǵa shyqqan alǵashqy komanda anyqtaldy
NUR-SULTAN. QazAqparat - Fýtboldan Qazaqstan kýbogy fınalyna joldama alǵan alǵashqy komanda anyqtaldy, dep habarlaıdy QazAqparat tilshisi.
Jartylaı fınaldaǵy alǵashqy oıynda Almatynyń «Qaıraty» men elordalyq «Astana» komandalary sheberlik baıqasty. Ekeýiniń arasyndaǵy birinshi matchta almatylyq klýb 3:0 esebime n basym tústi.
Kezdesýge elordalyq klýb sapynan birneshe fýtbolshy qatysa alǵan joq. Soǵan qaramastan bul kezdesýge «Qaırat» negizgi quramdy shyǵardy.
Oıyn barysynda almatylyq komandanyń basymdyǵy baıqalyp turdy. Dese de birinshi kezeńde tablodaǵy esep ózgergen joq.
Ekinshi kezeńniń 64 mınýtynda elordalyq Meırambek Qalmyrza óziniń qaqpasyna sgol soǵyp aldy. Al 81-mınýtta almatylyq Hose Kante esepti ústemeleı tússe, 86-mınýtta Vagner Lav mergendik tanytty.
Kezdesýde «Qaırat» qarsylasyn 3:0 esebimen tize búktirdi.
Endi jartylaı fınaldaǵy taǵy bir oıynda Qostanaıdyń «Tobyly» óz alańynda Qaraǵandynyń «Shahterin» qabyldaıdy. Eki komanda arasyndaǵy alǵashqy kezdesýde 5:2 esebimen «Shahterdiń» basymdyǵymen aıaqtaldy.
Fınal 28 qarashaǵa belgilengen.
