Fýtboldan Qazaqstan kýbogy: Búgin toptyq kezeńiniń altynshy týry bastalady
NUR-SULTAN. QazAqparat - Búgin fýtboldan Qazaqstan kýbogy toptyq kezeńiniń altynshy týry bastalady, dep habarlaıdy QazAqparat tilshisi.
Oıyndar úsh kúnge belgilengen. Aldymen 14 tamyzda úsh oıyn belgilense, 15 tamyzda da tórt match ótkiziledi.
Búgin, 14 tamyzda «Taraz» ben «Maqtaral» (Túrkistan oblysy), «Qaısar» (Qyzylorda) men «Aqjaıyq» (Oral), «Jetisý» (Taldyqorǵan) men «Turan» (Túrkistan), «Aqtóbe» men «Qaısar» (Qyzylorda) sheberlik baıqasady.
Sondaı-aq, búgin «Shahter» (Qaraǵandy) men «Ordabasy» (Shymkent) keıinge qaldyrylǵan besinshi týr oıyndaryn ótkizedi.
Al 15 tamyzda altynshy týr oıyndary qaıta jalǵasady. Bul kúni «Atyraý» men «Tobyl» (Qostanaı), «Kaspıı» (Aqtaý) men «Qaırat» (Almaty), «Aqtóbe» men «Astana» (Nur-Sultan) komandalary kezdesedi.
Al 17 tamyzda «Qyzyljar» (Petropavl) men «Shahter» (Qaraǵandy), «Ordabasy» (Shymkent) men SDıÝShOR №8 (Nur-Sultan) úshinshi týrdy túıindeıdi.
Aıta ketsek, bıyl atalǵan doda jańa talaptar boıynsha oınalady.
Toptyq kezeńde Premer-lıganyń 14 komandasy men irikteý kezeńinen irkilmeı ótken birinshi lıganyń eki klýby tórt topqa bólingen.
Árbir topta alǵashqy eki oryndaǵy komandalar jarystyń kelesi satysyna shyǵady.
