Fýtboldan Qazaqstan kýbogy: Búgin ekinshi týr oıyndary bastalady
NUR-SULTAN. QazAqparat - Búgin fýtboldan Qazaqstan kýbogy toptyq kezeńiniń ekinshi týry bastalady, dep habarlaıdy QazAqparat tilshisi.
Oıyndar úsh kúnge belgilengen. Aldymen 16 jáne 17 shilde kúnderi úsh-úshten oıyn belgilense, 18 shildede eki kezdesý ótkiziledi.
Búgin, 16 shildede «Shahter» (Qaraǵandy) men «Qyzyljar» (Petropavl), «Tobyl» (Qostanaı) men «Atyraý», «Astana» (Nur-Sultan) men «Aqtóbe» sheberlik baıqasady.
Al 17 shildede «Maqtaaral» (Túrkistan oblysy) men «Taraz», «Aqjaıyq» (Oral) pen «Qaısar» (Qyzylorda), «Qaırat» (Almaty) pen «Kaspıı» (Aqtaý) jasyl alańǵa shyqsa, 18 shildede №8 BJMORSM (Nur-Sultan) men «Ordabasy» (Shymkent), «Turan» (Túrkistan) men «Jetisý» (Taldyqorǵan) ekinshi týrdy túıindeıdi.
Aıta ketsek, bıyl atalǵan doda jańa talaptar boıynsha oınalady.
Toptyq kezeńde Premer-lıganyń 14 komandasy men irikteý kezeńinen irkilmeı ótken birinshi lıganyń eki klýby tórt topqa bólingen.
A tobynda «Shahter», «Ordabasy», «Qyzyljar», SDıÝSShOR №8, V tobynda «Tobyl», «Taraz», «Atyraý», «Maqtaral» klýbtary sheberlik baıqasady.
Al S tobynda «Astana», «Qaısar», «Aqtóbe», «Aqjaıyq», D tobynda «Qaırat», «Jetisý», «Kaspıı», «Turan» komandalary oınaıdy.
