Fýtboldan Qazaqstan kýbogy: Búgin 1/2 fınalǵa shyǵatyn taǵy eki komanda anyqtalady
NUR-SULTAN. QazAqparat - Búgin fýtboldan Qazaqstan kýbogynyń shırek fınalyndaǵy eki oıyn ótkiziledi, dep habarlaıdy QazAqparat tilshisi.
Qyzylordada «Qaısar» elorda ýaqytymen19.00-de Almatynyń «Qaıratymen» kezdesedi. Alǵashqy oıynda almatylyqtar 3:0 esebimen basym tústi.
Sondaı-aq, «Taraz» ben Qaraǵandynyń «Shahteri» 16.00-de sheberlik baıqasady. Alǵashqy kezdesýde komandalar 0:0 esebine qanaǵat bildirdi.
Eske salsaq, budan buryn shırek fınalda «Astana» (Nur-Sultan) «Kaspıı» (Aqtaý) komandasyn (3:3, 1:0), «Tobyl» (Qostanaı) «Qyzyljar» (Petropavl) klýbyn (1:0, 1:0) esebimen jeńip, jartylaı fınalǵa joldama alǵan edi.
Jartylaı fınalda «Astana» komandasy «Qaısar» - «Qaırat», «Tobyl» komandasy «Taraz» ben «Shahter» jubynyń jeńimpazymen kezdesedi.
Komandalar 1/2 fınal oıyndaryn 6 jáne 20 qarasha kúnderi ótkizedi. Fınal 28 qarashaǵa belgilengen.
