Fýtboldan Qazaqstan kýbogy: «Astana» men «Tobyl» jeńiske jetti
NUR-SULTAN. QazAqparat - Búgin fýtboldan Qazaqstan kýbogy toptyq kezeńi ekinshi týrynyń alǵashqy oıyn kúni aıaqtaldy, dep habarlaıdy QazAqparat tilshisi.
Birinshi kezdesýde «Astana» (Nur-Sultan) men «Aqtóbe» komandalary kezdesti. Aldymen 13-mınýtta elordalyq klýb sapynan Marın Tomasov esep ashsa, aqtóbelikter sapynan 45-mınýtta Oleg Chernyshov tarazy basyn teńestirdi. Al aqtóbelik Ádilhan Tańjaryqov óziniń qaqpasyna gol soǵyp aldy. «Astana» sapyna Tıgran Barsegıan 71-mınýtta esepti ulǵaıtsa, 81-mınýtta aqtóbelik ıÝrıı Logvınenko qorytyndy esepti belgiledi. Osylaısha elordalyq klýb qarsylasynan 3:2 esebimen basym tústi.
Dál osyndaı eseppen Qaraǵandynyń «Shahteri» óz alańynda Petropavldyń «Qyzyljaryn» tize búktirdi. Aldymen petropavldyq klýb sapynan ıÝrıı Býshman 49, Semır Smaılagıch 66-mınýttarda mergendik tanytty. Odan keıin qaraǵandylyq klýbtan Aıdos Táttibaev 75, 85-mınýttarda qaqpany dál kózdese, Davıd Atanaskoskı 89-mınýtta jeńis golynyń avtory atandy.
Al Qostanaıdyń «Tobyly» óz alańynda «Atyraýdy» 2:0 esebimen tize búktirdi. Oıyn barysynda Tonı Sılva 42, Zoran Toshıch 90-mınýtarda soqqan goly «Tobylǵa» jeńis alyp keldi.
Endi 17 shildede «Maqtaaral» (Túrkistan oblysy) men «Taraz», «Aqjaıyq» (Oral) pen «Qaısar» (Qyzylorda), «Qaırat» (Almaty) pen «Kaspıı» (Aqtaý) jasyl alańǵa shyady.
Vl 18 shildede №8 BJMORSM (Nur-Sultan) men «Ordabasy» (Shymkent), «Turan» (Túrkistan) men «Jetisý» (Taldyqorǵan) ekinshi týrdy túıindeıdi.
Aıta ketsek, bıyl atalǵan doda jańa talaptar boıynsha oınalady.
Toptyq kezeńde Premer-lıganyń 14 komandasy men irikteý kezeńinen irkilmeı ótken birinshi lıganyń eki klýby tórt topqa bólingen.
