Fýtboldan Qazaqstan kýbogy: «Astana» «Qaısarmen» teń tústi
NUR-SULTAN. QazAqparat - Búgin fýtboldan Qazaqstan kýbogy toptyq kezeńi bastaldy, dep habarlaıdy QazAqparat tilshisi.
Alǵashqy oıyn kúninde tórt kezdesý ótkizildi. Jankúıerler aldymen «Astana», «Qaırat» jáne «Tobyl» komandalarynyń kezdesýlerine kóz tikkeni ras.
Almatylyq «Qaırat» syrt alańda Taldyqorǵannyń «Jetisýyn» 1:0 esebimen tize búktirdi. Bul oıynda almatylyq Andreı Ýlshın 10-mınýtta mergendigimen kózge tústi. Aıta keterligi, almatylyq ujymda negizinen jastar oıyn kórsetti.
«Astana» da búgin jastarǵa úmit artty. Elordalyq klýb soǵan qaramastan Qyzylordada jergilikti «Qaısarmen» 0:0 esebimen teń oınady.
Al «Tobyl» syrt alańda «Tarazdyń» 1:3 esebimen osal tusyn tapty. Kezdesý barysynda qostanaılyq klýbtan Zoran Toshıch 5, 33, Ashat Taǵybergen 90-mınýtta gol soqsa, oǵan alań ıelerinen Berik Aıtbaev 14-mınýtta jalǵyz golmen jaýap qaıyrdy.
Al «Qyzyljar» men SDıÝSShOR №8 (Nur-Sultan) klýbtary kezdesýinde 1:1 esebi tirkeldi. Aldymen elordalyq klýbtan Narbı Merǵazy 61-mınýtta esep ashsa, 79-mınýtta petropavldyq Ońlasyn Sáken tarazy basyn teńestirip ketti.
Endi 11 shildede «Aqtóbe» men «Akjaıyq», «Kaspıı» men «Turan», «Atyraý» men «Maqtaral», «Ordabasy» men «Shahter» kezdesedi.
Aıta ketsek, bıyl atalǵan doda jańasha talaptar boıynsha oınalady. Toptyq kezeńde Premer-lıganyń 14 komandasy men irikteý kezeńinen irkilmeı ótken birinshi lıganyń eki klýby tórt topqa bólingen.
