Fýtboldan Qazaqstan kýbogy: «Astana» «Kaspıımen» teń tústi
NUR-SULTAN. QazAqparat - Búgin fýtboldan Qazaqstan kýbogy shırek fınalynda alǵashqy eki oıyny ótkizildi, dep habarlaıdy QazAqparat tilshisi.
Aldymen Petropavlda «Qyzyljar» men Qostanaıdyń «Tobyly» kezdesti. Oıyn taǵdyryn 36-mınýtta qostanaılyq klýbtan Igor Sergeev soqqan jalǵyz gol sheshti. Osylaısha «Tobyl» qarsylasynan 1:0 esebimen basym tústi.
Elordada «Astana» men «Kaspıı» kezdesýi 3:3 esebimen teń aıaqtaldy. Kezdesýde elordalyq komandadan Maks Ebong 4, Abat Aıymbetov 36, Jarko Tomashevıch 83-mınýttarda gol soqsa, oǵan aqtaýlyq klýbtan Rýslan Saqalbaev 44, Maqsat Taıkenov pen Aslan Darabaev 39 jáne 96-mınýttarda penaltıden úsh golmen jaýap qaıyrdy.
Al «Qaırat» pen «Qaısar», «Taraz» ben «Shahter» alǵashqy kezdesýin 22 qyrkúıekte bolsa, qarymta oıyn shamamen 27 qazanǵa belgilengen.
Jarystyń 1/4 jáne 1/2 fınaldyq satylarynda komandalar eki oıynnan ótkizedi. Fınal 28 qarasha kúni bolady.
