Fýtboldan Qazaqstan kýbogy almatylyq «Qaırat» komandasyna buıyrdy
ASTANA. QazAqparat - Elordanyń «Astana Arena» stadıonynda Almatynyń «Qaıraty» men «Astana» komandalary fýtboldan Qazaqstan kýbogyn sarapqa saldy.
Tartysty ótken oıynnyń alǵashqy taımnyń 28-shi mınýtynda alań ıeleriniń sapyndaǵy Patrık Tvýması qonaqtardyń qaqpasyna dop týlatqan bolatyn. Osylaısha, oıynnyń birinshi kezegi «Astana» komandasynyń basymdyǵymen ótkenimen ekinshi taımnyń alǵashqy mınýttarynda-aq Djordje Despotovıch urymtal sátti tamasha paıdalanyp, oıyndy teńestirýge múmkindik aldy. Osydan keıin jasyl alańdaǵy oıyn órnegi birshama báseńsip, komandalar urymtal tusty ańdýǵa kóshken edi. Degenmen, 70-shy mınýtta Z.Plıevtiń alań ıeleriniń qaqpasyna baǵyttaǵan doby jaqtaýǵa tıip keri qaıtqan edi. Biraq urymtal tusta turǵan D.Despotovıch mundaı múmkinshilikti qalt jibermeı, dopty qaqpaǵa toǵytty. Oıynnyń qalǵan mınýttarynda «Astana» komandasy esepti teńestirýge umtylǵanymen, esh nátıje shyǵara almaı Qazaqstan kýbogy Almatynyń «Qaırat» komandasyna buıyrdy.
