Fýtboldan Qazaqstan kýbogy: Alǵashqy týr oıyndary aıaqtaldy
NUR-SULTAN. QazAqparat - Fýtboldan Qazaqstan kýbogy toptyq kezeńiniń alǵashqy týry aıaqtaldy, dep habarlaıdy QazAqparat tilshisi.
Ekinshi oıyn kúninde tórt kezdesý ótkizildi. A tobynda Shymkentte «Ordabasy» Qaraǵandynyń «Shahterin» 1:0 esebimen tize búktirdi. Oıyn taǵdyryn sheshken jalǵyz goldy 89-mınýtta Abdýllaı Dıakate penaltıden soqty. Bul topta keshe «Qyzyljar» (Petropavl) men SDıÝSShOR №8 (Nur-Sultan) 1:1 esebi tirkeldi.
V tobynda «Atyraý» men «Maqtaral» 2:2 esebimen teń tústi. Oıyn barysynda maqtaraldyq Erbolat Rústemov 19, 28-mınýttarda mergendik tanytsa, oǵan atyraýlyq klýb sapynan Jıan Martıns 35, Petr Gjelchak 42-mınýtta qos golmen jaýap qaıyrdy. Atalǵan topta keshe «Tobyl» syrt alańda «Tarazdyń» 3:1 esebimen osal tusyn tapty.
Al S tobynda Oraldyń «Aqjaıyǵy» syrt alańda «Aqtóbeni» 2:0 esebimen jeńdi. Al bul topta «Qaısar» men «Astana» 0:0 esebine qanaǵat bildirdi.
D tobynda «Kaspıı» (Aqtaý) óz alańynda «Turan» (Túrkistan) komandasynan 4:0 esebimen basym tústi. Oıyn barysynda alań ıeleri sapynan Rýslan Mıngazov 26, 34-mınýttarda gol soqsa, Ramazan Karımov 42, Bekzat Qabylan 80-mınýttarda esepti ústemeleı tústi. Osy toptaǵy Almatynyń «Qaıraty» syrt alańda Taldyqorǵannyń «Jetisýyn» 1:0 esebimen tize búktirdi.
Endi toptyq kezeńniń ekinshi týry 16, 17, 18 shilde kúnderi ótkiziledi.
