Fýtboldan Qazaqstan kýbogy: Alǵashqy eki kezeńniń jerebesi tartyldy
NUR-SULTAN. QazAqparat - Fýtboldan Qazaqstan kýbogynyń alǵashqy eki kezeńiniń jerebesi tartyldy, dep habarlaıdy QazAqparat tilshisi.
Aıta keteıik, atalǵan týrnırdiń alǵashqy kezeńderine birinshi jáne ekinshi lıganyń 14 fýtbol klýby qatysady.
Jerebe boıynsha birinshi irikteý kezeńinde «Igilik» (Jambyl oblysy) - SDıÝSShOR № 8 (Nur-Sultan), «Ekibastuz» (Pavlodar oblysy) - «Aqsý» (Pavlodar oblysy) , «SD Family» (Nur-Sultan) - «Qyran» (Shymkent), «Jas Qyran» (Shymkent) - «Maqtaaral» (Túrkistan oblysy), «Oqjetpes» (Kókshetaý) - «Jeńis» (Nur-Cultan) komandalary kezdesedi.
Ekinshi irikteý kezeńinde «Rýzaevka»-«ıAssy-Túrkistan» jubynyń jeńimpazy «Ońtústik akademııasy» (Shymkent), «Igilik»-SDıÝSShOR № 8 jubynyń jeńimpazy «Altaı» (Shyǵys Qazaqstan oblysy) klýbtarymen sheberlik baıqasady. Al «Ekibastuz»-«Aqsý» jubynyń jeńimpazy «SD Family»-«Kyran», «Jas Qyran»-«Maqtaaral» jubynyń jeńimpazy –«Oqjetpes»-«Jeńis» juptarynyń jeńimpazymen oınaıdy.
Alǵashqy eki kezeńde jeńimpaz bir oıyn qorytyndysy boıynsha anyqtalady. Kezdesýler jupta birinshi kórsetilgen komandalardyń alańynda ótedi.
Alǵashqy kezeńniń barlyq oıyny 22 sáýirde bolady. Al ekinshi kezeńniń oıyndary 1 mamyrǵa josparlanǵan.
