Fýtboldan Qazaqstan kýbogy: «Aqjaıyq» «Aqtóbeni» utyp, óz tobynda kósh bastady
ORAL. QazAqparat – Oraldyń «Aqjaıyǵy» Qazaqstan kýbogy oıyndaryn sátti bastady, dep habarlaıdy QazAqparat tilshisi.
Birinshi týrda ýkraınalyq maman Vladımır Mazıardyń shákirtteri Aqtóbede jergilikti
klýbpen kezdesti.
«Aqjaıyq» qaqpasyn alǵash ret reseılik Stepan Sıkach qorǵasa, onyń otandasy, jartylaı
qorǵaýshy Mıhaıl Gaşenkov ta tyrnaqaldy matchyn ótkizdi.
Birinshi taımda reseılik Evgenıı Kozlov oryndaǵan 11 metrlik aıyp dobyn «Aqtóbe» qaqpashysy Sergeı Revıakın qaıtardy. Biraq E.Kozlovtyń ózi dopqa birinshi bolyp jetip, múlt ketpedi.
Ekinshi taımda alań ıeleri esepti teńestirýge múmkindik aldy. Alaıda Igor Sergeev qaqpany
11 metrlikten dál kózdeı almady.
Esesine Eldar Abdrahmanovtan pas alǵan E.Kozlov esepti 2:0-ge jetkizdi.
Osylaısha oraldyqtar S tobynda kósh bastady.
Bul topta keshe «Astana» men qyzylordalyq «Qaısar» 1:1 esebimen teń tarqasqan bolatyn.
Eske sala keteıik, «Aqjaıyqtyń» fýtboldan Qazaqstan chempıonatynyń ótken, 19-týrynda
«Aqtóbege» ese jibergenin jazǵan bolatynbyz.
Ol matchta da «Aqtóbe» qaqpasynan E.Kozlov sańylaý tapqan edi.
