Fýtboldan Qazaqstan kýbogy: 1/4 fınalynda kezdesetin komandalar anyqtaldy
ASTANA. QazAqparat - Búgin Rixos President Astana qonaqúıiniń konferents-zalynda 2018 jylǵy Qazaqstan Respýblıkasy kýbogynyń 1/4 fınalynyń jerebe tartý rásimi ótti, dep habarlaıdy QazAqparat tilshisi.
Jerebe tartý rásimi Qazaqstan kásipqoı fýtbol lıgasynyń resmı saıtynda tikeleı kórsetildi.
Jerebe boıynsha myna komandalar kezdesetin boldy:
Nátıjesi mynadaı:
«Ordabasy» - «Qaırat»
«Maqtaaral» - «Ertis»
«Atyraý» - «Tobyl»
«Shahter» - «Qaısar»
Bul kezeńniń qatysýshylary teń jaǵdaıda bir kárzeńkege ornalastyrylady. Matchtar birinshi bolyp tańdalǵan juptyń alańynda ótedi. Shırek fınal oıyndary bir kezdesýden turady. 1/4 aınalymnyń oıyndary 2018 jylǵy 23 mamyrda ótedi.
