Fýtboldan Qazaqstan kýbogy 1/2 fınalynyń jerebesi tartyldy
NUR-SULTAN. QazAqparat - Fýtboldan Qazaqstan kýbogy 1/2 fınalynyń jerebesi tartyldy, dep habarlaıdy QazAqparat tilshisi.
Búgin Qazaqstan fýtbol federatsııasynda jartylaı fınal jerebesi tartyldy.
Jarystyń atalǵan satysynda «Astana» komandasy «Qaırat» pen «Qaısar» jubynyń jeńimpazymen kezdesedi. Al «Tobyl» klýby «Shahter» men «Taraz» jubynyń jeńimpazymen sheberlik baıqasady.
Eske salsaq, 1/4 fınalda «Astana» «Kaspııdi» (3:3, 1:0) orta jolda qaldyryp ketse, «Tobyl» «Qyzyljardan» (1:0, 1:0) basym tústi.
Al 22 qyrkúıekte ótken alǵashqy kezdesýinde «Qaırat» «Qaısardy» 3:0 esebimen tize búktirse, «Shahter» men «Taraz» 0:0 esebine qanaǵat bildirdi. «Qaırat» pen «Shahter» tamyz aıynda eýrokýbok oıyndarynda synǵa túsýine baılanysty kýboktyń 1/4 fınaldaǵy oıyndary keıinge qaldyrylǵan bolatyn. Endi olar qarymta kezdesýlerin 27 qazanda ótkizedi.
Aıta ketsek, 1/2 fınaldyń alǵashqy oıyny 6-7 qarashada bolsa, qarymta kezdesý 20 qarashaǵa belgilengen.
